wrapper

Последние

I. ЖАЛПЫ ЕРЕЖЕЛЕР

1.1. Осы «Жасыл кеңсе» байқауы (бұдан әрі – Байқау) туралы ереже (бұдан әрі – Ереже) Байқаудың мақсаттарын, тәртібін, ұйымдастырудың, өткізудің және нәтижелерді қорытындылауды белгілейді.

1.2. Байқауды ұйымдастырушы: «Жасыл экономиканы қолдау мен G-Global-ды дамыту коалициясы» ЗТБ (бұдан әрі – Ұйымдастырушы).Қазақстан Республикасы Экология, геология және табиғи ресурстар министрлігі мен ЕҚЫҰ Нұр-Сұлтандағы бағдарламалар кеңсесінің қолдауымен.

1.3. Байланыс: Асыл Оқапова тел.: +7 (7172) 999-408, +77473838301, greenkaz.kz@gmail.com.

II. БАЙҚАУ МИССИЯСЫ

Байқаудың миссиясы қоршаған ортаны құрметтеуге және ыңғайлы жұмыс жағдайын жасауға бағытталған экологиялық таза тәсілдерді енгізу мен қолдауды жеңілдету болып табылады.

Байқаудың мақсаты – қоршаған ортаны қорғау саласындағы үздік тәжірибелер мен жасыл кеңселердің ресурстарын үнемдеу, сондай-ақ қызметкерлердің денсаулығын күтуге арналған корпоративтік бағдарламалар. Байқауға қатысу – бұл қоршаған орта мен адам денсаулығын сақтау мақсатында халықаралық экологиялық стандарттарға сәйкес келетін экологиялық бағдарлы компанияның имиджін қалыптастыру мүмкіндігі.

III. БАЙҚАУ МАҚСАТЫ.

• экология саласындағы ең жақсы идеяларды, жобаларды және корпоративті тәжірибелерді таңдау және танымал ету, кеңселерде қолайлы жағдай жасау.

• энергия мен ресурстарды үнемдеуге ықпал ету, экологиялық таза технологияларды, тауарлар мен қызметтерді ілгерілету, сондай-ақ қоршаған ортаны құрметтеуге бағытталған еңбек жағдайларын жасауға көмектесу.

• экологиялық жауапкершілікке ие компаниялар қоғамдастығының қалыптасуына ықпал ету;

қоғам назарын қоршаған ортаны қорғау, тұрақты даму, ресурстарды ұтымды пайдалану мәселелеріне аудару.

IV. БАЙҚАУ НОМИНАЦИЯЛАРЫ.

1. «Үздік ЖАСЫЛ ОФИС – Мемлекеттік органдар мен квазимемлекеттік сектор арасында (министрліктер, әкімдіктер, ведомстволар және т.б.)

2. «Үздік ЖАСЫЛ ОФИС – Халықаралық ұйымдар мен өкілдіктер арасында»

3. «Үздік ЖАСЫЛ ОФИС – Білім беру саласында» (жоғары және орта оқу орындары, мектеп және мектепке дейінгі мекемелер және т.б.);

4. «Үздік ЖАСЫЛ ОФИС – Денсаулық сақтау саласында» ауруханалар, емханалар, медициналық орталықтар, дәріханалар және т.б.);

5. «Үздік ЖАСЫЛ ОФИС – Өнеркәсіптік кәсіпорындар арасында»;

6. «Үздік ЖАСЫЛ ОФИС – Қаржы ұйымдары арасында» (банктер, сақтандыру компаниялары және т.б.);

7. «Үздік ЖАСЫЛ ОФИС – Бизнес орталықтары мен сауда орталықтары арасында»;

8. «Үздік ЖАСЫЛ ОФИС» – Қызмет көрсету саласында (қонақ үйлер, мейрамханалар, спорт кешендері);

9. «Үздік ЖАСЫЛ ОФИС – Шағын және орта бизнес арасында»;

10. «Үздік ЖАСЫЛ ОФИС – Үкіметтік Еемес Ұйымдар арасында».

Қатысуға кеңсе ғимараттарын пайдалану арқылы жұмыс жасайтын басқа секторлар да шақырылады.

V. БАЙҚАУ ТӘРТІБІ ЖӘНЕ УАҚЫТЫ. ҚАТЫСУ ШАРТТАРЫ.

5.1. Байқаудың рәсімдері мен барысы туралы ақпарат Ұйымдастырушының веб-сайтында орналастырылған – http://greenoffice-kaz.org/.

5.1.1 Қатысу үшін Байқау құжаттарын толтырып, Ұйымдастырушының greenkaz.kz@gmail.com электронды мекен-жайына жіберу қажет.

Байқауға қатысу үшін құжаттар:

1) қатысушының сауалнамасы (pdf форматында электрондық нұсқада ұсынылады)

2) «Жасыл кеңсенің» ұйымдағы тәжірибесін, тәсілдерін және қызметін көрсететін қосымша материалдар (құжаттар, фото – видео материалдар).

5.1.2. Ұсынылған құжаттардың толықтығы туралы өтініштер қаралғаннан кейін Ұйымдастырушы өтінімдерді тіркейді. Байқауға қатысуға тіркелген барлық қатысушыларға өтінімде көрсетілген электрондық пошта мекен-жайына растау жіберіледі, қажет болған жағдайда байқауға материалдарды жіберу бойынша қосымша нұсқаулар беріледі.

5.2. Байқауға қатысуға өтінімдер беру мерзімі 16.04.2021 мен 31.08.2021 дейін. Құжаттарды қабылдаудың аяқталу мерзімі мен уақыты 31.08.2021, 23:59 сағат (Нұр-Сұлтан қаласының уақыты).

Ұсыну мерзімі аяқталғаннан кейін берілген өтініш тіркеуге жатпайды.

5.3. Байқауға кеңсе типтегі нысандарда жұмыс жасайтын кез-келген ұйымдық-құқықтық нысандағы кәсіпкерлік субъектілері қатысады. Байқауға өтінімдері Қазақстан тұрғындары мен өкілдіктерінен, сондай-ақ Қазақстанда жүзеге асырылған жобалардан қабылданады.

5.4. Байқауға қатысу ашық және тегін.

5.5. Байқау ашық және жария түрде өтеді. Ұйымдастырушылар байқауға қатысушылардың кеңселерімен танысу үшін нысандарды аралайды (оларды әлеуметтік желілерде жариялау үшін фото және видео түсіреді).

5.5. Үміткерлер Байқауға қатысуға өтінімдерді дайындау және орындау, Байқауды өткізу тәртібі және басқа мәселелер бойынша түсініктеме алу үшін Байқауды Ұйымдастырушылармен хабарласуға құқылы (мысалы, жеңімпаздарды таңдау күні)

VІ. ЖЕҢІМПАЗДЫ ТАҢДАУ КРИТЕРИЙЛЕРІ.

Байқау шеңберінде ұйымда жүзеге асырылатын тәсілдер, тәжірибелер, жобалар, іс-шаралар бағаланады:

1. Қызметтік үй-жайлар мен объектілік ғимараттарды салу және жөндеу

2. Электр энергиясын тұтынуды азайту.

3. Жылуды үнемдеу және жеткілікті желдетуді қамтамасыз ету

4. Су шығынын азайту

5. Ластануды азайту және қалдықтарды басқару

6. Ресурстарды үнемдеу және тұтынуды азайту

7. Қызметкерлер денсаулығы

8. Жобалау және абаттандыру.

9. Кеңсе қызметкерлері мен келушілерін ақпараттандыру

10. Басқару жүйелерінің болуы, жасыл кеңсе, тұтынуды есепке алу принциптерін сақтау процестерін құжаттау.

VІІ. АВТОРЛЫҚ ҚҰҚЫҚ, БАЙҚАУ ҰСЫНЫСТАРЫНЫҢ МАТЕРИАЛДАРЫН ПАЙДАЛАНУ.

7.1. Қатысушылардың өтінімдерінде көрсетілген зияткерлік қызмет нәтижелеріне арналған авторлық құқық Қазақстан Республикасының заңнамасымен және халықаралық-құқықтық актілермен қорғалатын тиісті қатысушыларға тиесілі.

7.2. Байқау ұсыныстарының материалдарды пайдалану:

Байқауды Ұйымдастырушы байқау өтінімдерінде көрсетілген материалдарды Байқауды қолдау үшін ақпараттық-жарнамалық науқан шеңберінде пайдалануға, Қатысушылармен қосымша келісімсіз баспа басылымдарындағы, теледидар бағдарламалардағы және көрмелік іс-шаралардағы сияқты, сондай-ақ оның нәтижелерін бөліп көрсетуге, ақпараттық брошюралар шығаруға, көрмелер ұйымдастыруға және т.б. құқылы. Байқауға өтінім жіберу қатысушының жоғарыда аталған байқау жобаларын пайдалану шарттарымен келісетіндігін білдіреді.

VIII. ІРЕКТЕУ САҚТАРЫН ӨТКІЗУ ТӘРТІБІ

8.1. Байқау өтінімдерін қарауды Байқау комиссиясы жүзеге асырады. Іріктеу кезеңінің форматын анықтау Байқауды Ұйымдастырушылардың қалауы бойынша жүзеге асырылады.

8.2. Өтініштер байқау критерийлері бойынша бағаланады.

IX. БАЙҚАУ ҚОРЫТЫНДЫСЫ

9.1. Байқаудың финалистеріне қатысу сертификаты беріледі. Байқау жеңімпаздары құрмет грамоталарымен және арнайы төсбелгілермен марапатталады

9.2. Байқаудың нәтижелері 10 жұмыс күні ішінде Байқау комиссиясының хаттамасымен ресімделеді және ол тіркелген күннен бастап 5 жұмыс күнінен кешіктірмей бұқаралық ақпарат құралдарында және (немесе) Байқауды Ұйымдастырушылардың веб-сайтында орналастырылады.

9.3. Өтініштер қайтарылмайды және ол Байқау ұйымдастырушыларында сақталады.

Анкетаны жүктеу

 

 

Авторизуйтесь, чтобы получить возможность оставлять комментарии

О Коалиции

ОЮЛ Коалиция за «зеленую» экономику и развитие G-Global» сегодня является признанным в стране общественным и экспертным институтом по «зеленой экономике», а также входит в Совет по «зелёной экономике» при Президенте Республики Казахстан

Facebook